ដោយ : បន្ទាយ
សៀមរាប:លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប បានអញ្ជើញចូលរួមជាអធិបតីក្នុងមហាព្រឹត្តិការណ៍ប្រដាល់គុនខ្មែរដ៏ធំអស្ចារ្យ ”GANZBERG Kun Khmer IDOL Concert ” នារាត្រីលើទឹកដីខេត្តសៀមរាប ក្នុងឱកាសពិធីបុណ្យភ្ជុំបិណ្ឌ។
នេះបើតាម ក្រុមការងាររៀបចំអោយដឹងកាលពីថ្ងៃទី០៤ខែតុលា ឆ្នាំ២០២៤។
សូមរំលឹកដែរថា : នៅឯការងារស្នួលប្រចាំថ្ងៃឯណោះវិញ លោកឧត្តមសេនីយ៍ត្រីសៀ ទីន ដឹកនាំនាយទាហានក្រោមឱវាទបានបន្តចុះត្រួតពិនិត្យ តាមបណ្តាមូលដ្ឋានកងរាជអាវុធហត្ថ ស្រុក ចំនួន ០៤ និងស្នាក់ការសន្តិសុខ៦៧២ នៃខេត្តសៀមរាប ។
លោកឧត្តមសេនីយ៍ត្រី សៀ ទីន មេបញ្ជាការកងរាជអាវុធហត្ថខេត្តសៀមរាប អមដំណើរដោយលោកមេបញ្ជាការរង នាយសេនាធិការរង និងប្រធានមន្ទីរ បន្តចុះត្រួតពិនិត្យការអនុវត្តតួនាទីភារកិច្ច ពិនិត្យអគារធ្វើការ ការស្នាក់នៅហូបចុក ។
ព្រមទាំងសំណេះសំណាលជាមួយបងប្អូនអាវុធហត្ថ នៅមូលដ្ឋានកងរាជអាវុធស្រុកអង្គរធំ, ស្រុកបន្ទាយស្រី, ស្រុកវ៉ារិន និងស្នាក់ការសន្តិសុខ៦៧២, ក្រុងរុនតាឯកតេជោសែន និងបានប្រគល់សម្ភារៈប្រើប្រាស់មួយចំនួនសម្រាប់បម្រើការងារនៅតាមអង្គភាពជាក់ស្តែង ។
សូមរំលឹកថា មុននេះ លោកមេបញ្ជាការក៏បានចុះត្រួតពិនិត្យដូច្នេះនៅមូលដ្ឋានកងរាជអាវុធស្រុក ក្រុង៤រួចមកហើយ ៕
